Мәктәп укучылары Pythonны бушлай өйрәнә алачак

Дәресләр «Учи.Дома» яки партнер мәгариф оешмаларында көндезге форматта уза. Модульләрне уңышлы узган укучылар рәсми сертификатлар ала. Әлеге сертификат югары уку йортларына кергәндә өстәмә өстенлек бирә.

Катнашучыларга Python телен төрле катлаулылык дәрәҗәләрендә өйрәнергә тәкъдим ителә – башлангычтан алып уртачага кадәр. Процесста алар үз уенын, веб-кушымтаны яки Телеграм-ботны булдырачаклар.

Проектка кушылу өчен «Киләчәк коды» сайтында гариза бирергә һәм «Дәүләт хезмәтләре» порталында анкета тутырырга, провайдерны, укыту форматын һәм программаны сайларга кирәк.