Казан Мэриясе татар теле курсларын дәвам итә

26 сентября 2024 Мәгариф

7 октябрьдә Казан Мэриясе тарафыннан Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау һәм үстерү мәсьәләләре комиссиясе ярдәме белән оештырылып килүче чираттагы бушлай татар теле курсына старт бирелә. Бу хакта Казан шәһәре Башкарма комитеты Аппаратының Тел культурасы өлкәсендә милли сәясәтне гамәлгә ашыру бүлеге хәбәр итте.

Татар теле курслары берничә әзерлек дәрәҗәсенә исәпләнгән. Башлангычлар һәм дәвам итүчеләр төркеме атнасына бер тапкыр 2 сәгать Казан шәһәре Башкарма комитетында шөгыльләнәчәк.
Әлеге төркемнәрне «Иң яхшы туган тел һәм әдәбият укытучысы – 2024» Бөтенроссия һөнәри конкурсының призеры, шул ук бәйгедә регион этабында җиңүче, «Казан шәһәренең ел укытучысы – 2024» конкурсы призеры, «Иделем Акчарлагы – 2018» яшь язучылар бәйгесенең «Поэзия» номинациясендә Гран-При иясе Ләйлә Гарифҗанова укытачак.
Татар теле курсы алты атна дәвам итәчәк. Ул үз эченә тел, грамматика һәм сөйләм нигезләрен үз эченә алган программаларын алачак.
Курска язылырга теләүчеләр өчен сылтама: https://forms.gle/BTC7j6B6Scnittqe7

Урыннар саны чикле.