Тәтешнең «Акчарлак» балалар лагере яңара

20 мая 2025 Мөршидә КЫЯМОВА

Тәтеш муниципаль районының «Акчарлак» шәһәр читендәге сәламәтләндерү лагеренда яңа корпуслар төзелә.

«Акчарлак» лагереның гомуми мәйданы – 1 926 кв.м. Балаларны савыктыру лагерьларын төзү буенча республика программасы кысаларында агымдагы елда биредә йокы корпусы, медицина блогы, котельная һәм контроль-үткәрү пункты төзелә.

Хәзер йокы корпусы төзелеше актив бара. Аерым алганда, объектта түбә ябу төгәлләнә, эчке инженерлык һәм җылылык челтәрләрен урнаштыру, бизәү эшләре башкарыла. Оператив үтәлеш 30 процентка җитте, дип хәбәр итә ТР Төзелеш, архитектура һәм ТКХ министрлыгының матбугат үзәге.

Шулай ук балалар лагере өчен кирәкле җиһазлар сатып алыначак, тирә-юнь төзекләндереләчәк.