Казан мәктәбендә квант технологияләре буенча “Саннар дәресе” узды

24 апрельдә Казанның 80нче мәктәбендә квант исәпләүләре һәм киләчәк материалларына багышланган «Саннар дәресе» узды. “Мәгълүматлар икътисады һәм дәүләтнең цифрлы трансформациясе” милли проекты кысаларында оештырылган дәресне ТР цифрлаштыру министры урынбасары Булат Габдрахманов үткәрде.

Мәктәп укучылары IT өлкәсендәге перспективалы юнәлешләр, шул исәптән квант исәпләүләре һәм яңа материаллар, шулай ук аларны куллану мөмкинлекләре турында белделәр. Булат Габдрахманов цифрлы иминлек буенча киңәшләр бирде һәм тәнкыйть фикерләү һәм цифрлы грамоталылыкны үстерергә чакырды.

Мондый дәресләр яшьләргә технологик дөньяда юнәлеш алырга һәм киләчәк һөнәрләрен сайларга ярдәм итә. 

Фото: ТР Мәгариф һәм фән министрлыгы сайты