Түбән Кама укучысы төбәкара гареп теле олимпиадасында җиңү яулады
Түбән Кама шәһәре 24 нче лицей-интернатының 11 нче сыйныф укучысы Габделбари Аллун төбәкара гарәп теле олимпиадасында җиңүчеләр рәтенә керде.
Олимпиада финалы 1-2 ноябрьдә Е.М.Примаков исемендәге гимназиядә (Мәскәү өлкәсе) узды. Биредә Россиянең тугыз төбәгеннән 53 финалист белемнәрен күрсәтте.
5-8 сыйныф укучылары өчен биремнәр тест форматында әзерләнде. Ә 9-11 сыйныф аудирование, тестлар һәм иҗади биремнәр үтәделәр.
Конкурс сынауларыннан тыш, катнашучылар өчен иҗади мастер-класслар, гарәп киносы күрсәтү һәм башка мәдәни чаралар оештырылды.
Нәтиҗәдә, Мәскәү, Мәскәү өлкәсе, Татарстан һәм Кабарда-Балкар Республикаларыннан иң яхшы 5 катнашучы төп бүләккә ия булды. Алар агымдагы елның декабрь аенда Берләшкән Гарәп Әмирлекләрендә тел стажировкасы үтү мөмкинлегенә ия булдылар.
Фото: олимпиада матбугат хезмәте





Комментарийлар