Галимнәр династиясе Гайсиннар: «Татарстан үсәргә мөмкинлек бирә»

Гайсиннарның гомуми педагогик һәм фәнни стажы ике гасырдан артык. Эфирда алар үзләренең эшләре, белем өлкәсендәге казанышлары һәм проектлары турында сөйләделәр.

 – Республикабызда программалар бик күп: «50 иң яхшы инновацион идея» программасы, студентлар стартаплары, «Алгарыш» проекты эшләп килә, яшь галимнәргә торак ягыннан да ярдәм бар, – дип билгеләп үтте Казан дәүләт энергетика университеты профессоры Азат Гайсин.

Абыйсы, КНИТУ-КАИның техник физика кафедрасы мөдире Алмаз Гайсин сүзләренә караганда, аның чит илгә укытырга китү мөмкинлеге булган, ләкин ул Татарстанда калырга карар кылган.

  – Минемчә, иң мөһиме –Татарстанда фәнне һәм мәгарифне үстерү мөмкинлеге. Республика – безнең уртак йортыбыз. Хәзерге көндә биредә фәнни-тикшеренү эшен үстерү өчен мөмкинлекләребез күп. Мин үз илем, үз халкым файдасына эшләүне иң мөһиме дип саныйм, – дип ассызыклады Алмаз Гайсин.

Фото: ТНВ