«Әнием бәгърем» бәйгесен игълан итәбез

01 ноября 2025 Мәгариф

«Кадерләп үстергән мин синең җимешең, Куеның — гөлбакча, назлы җил — сулышың. Инде буй җитсәм дә, мин сиңа сабыймын, Күңелең назларын күзеңнән таныймын». Әйе, һәркем өчен иң кадерле кеше ул — безнең газиз әниләребез! Җан җылысын биреп, төн йокыларын калдырып үстергән әниләребез!

30 ноябрь — Әниләр көне!

Шушы күркәм бәйрәм уңаеннан, «Гаилә һәм мәктәп» журналы «Әнием бәгърем» бәйгесен игълан итә!

Һәркем, әнисен котлап, йөрәгендә булган җылы сүзләрен җиткерә ала.

Катнашу өчен шартлар:

– әниең белән бергә төшкән фотоны юллагыз (файл форматы);

– әниеңә җиткерәсе котлау сүзләрен magarif.konkurs@mail.ru электрон почтасына 20 ноябрьдән дә соңга калмыйча юлларга кирәк. Таләп: котлау 10 җөмләдән дә ким булмаска һәм А4 битеннән артмаска тиеш.

Җиңүчене истәлекле бүләк көтә һәм әнисе турында язма журналыбыз битләрендә дөнья күрәчәк.

Иң яхшы котлауларны тавыш бирү ярдәмендә сайлыйбыз.