Казанда юл хәрәкәте чикләнә

28 апрельдән 4 майга кадәр башкаланың үзәк урамнарында юл хәрәкәте чикләнә. Үзгәрешләр 3-4 май көннәрендә узачак Казан марафонына бәйле.
Чикләүләр Ташаяк, Мәскәү, Уң як Болак һәм Сул як Болак, Профсоюз, Татарстан, Батурин, Чистай урамнарына кагыла. Тулырак мәгълүмат Казан Башкарма комитетының рәсми сайтында урнаштырылган.
Быелгы Казан марафоны 35 мең катнашучы һәм 20 мең тамашачыны кабул итәргә әзерләнә. Бу марафон тарихында рекордлы саннар.

Фото: culture.ru