Илсур Һадиуллин чыгарылыш сыйныф укучыларын котлады

Кадерле чыгарылыш укучылары! Сезнең алдыгызда зур мөмкинлекләр ачыла. Сезнең һәркайсыгыз тормышта үз урынын һәм бурычын тапсын. Кыенлыклардан курыкмагыз – алар характерны чыныктыра. Уңышсызлыкларга очрасагыз, күңелегезне төшермәгез. Үз көчегезгә ышаныгыз – бу уңыш нигезе.

Тормыш юлыгыз кайда гына алып бармасын, зур тормышка юлның биредә, туган җирегездә, башлануын һәрвакыт истә тотыгыз. Еллар узгач, беренче адымнарыгызны ясарга ярдәм итүчеләргә рәхмәт белдерегез.

Хыялларыгыз тормышка ашсын, ә мәктәптә алган белемнәрегез тормыш океанында ышанычлы компас булсын!

Хәерле юл сезгә!

Фото: ТР Мәгариф һәм фән министрлыгы сайты