«Кукмара итекләре» фестивале беренче тапкыр ике көндә узачак

Фестиваль үзенчәлекләре хакында Кукмара районы башкарма комитеты җитәкчесенең социаль мәсьәләләр буенча урынбасары Айгөл Әхмәтшина сөйләп үтте:

 – Узган еллардан аермалы буларак, бу юлы без ике көнлек фестиваль оештырабыз. 4 гыйнвар көнне командаларның районга килүе көтелә. 5 гыйнварда тантаналы чара үтәчәк. Биредә командалар иҗатта, спортта ярышачак. Киез итек темасы кызыл җеп булып ята",  – диде ул.

Фестивальнең беренче көнендә катнашучылар Кукмара киез итек-киез комбинатына юл тотачак. Әлеге алай гына түгел, ә киез аяк киеме җитештерү буенча мастер-класста да катнашачаклар.

Икенче көн программасында командалар ярышы, кулдан эшләнгән әйберләр һәм җирле сувенирлар ярминкәсе, Кукмара итекләрен ясау буенча мастер-класслар көтелә. 

Чараның музыкаль бизәлеше өлешендә ТР атказанган артисты Марина Карпова, эстрада артисты Марат Яруллин һәм ZAKARIA фолк-төркеме чыгышлары булачак. 

Фото: «Кукмара итекләре» фестивале матбугат хезмәте