Кием аша тарих өйрәнелә

27 января 2025 Мөршидә КЫЯМОВА

Татарстан Республикасы Милли музеенда «Кием турында хикәяләр» старт алды. Һәр якшәмбе көнне 14.00 сәгатьтә, 26 гыйнвардан башлап, хәрби эшнең, икътисади һәм социомәдәни үсешнең кием-салымга йогынтысы турында дәресләр уза башлады.

Лекцияләр авторы – Владислав Хабаров. Ул Милли музейның фәнни реконструкция, төрле чор киемнәрен өйрәнү, реставрацияләү һәм тегү бүлеген җитәкли, бу – аның эшенең бер өлеше. Һәм аның бик күп кызыклы фактлары тупланды, дип хәбәр итә Татарстан Милли музееның матбугат үзәге.

Барлыгы 4 лекция планлаштырылган, алар төрле чорларга кагыла: Кием барлыкка килүдән алып викинглар чорына кадәр, тәре походларыннан алып яңарыш чорына кадәр Урта гасыр модасы, XVIII–XIX гасырлардагы стиль һәм кием, кием-салымга Бөтендөнья сугышларының йогынтысы турында.

Беренче лекциядә нәрсә беренче барлыкка килгән: йонмы әллә җитенме? Шуңа җавап булды. Ә чалбар кайчан барлыкка килгән? Һәм башка кызыклы сорауларга җаваплар яңгыоады.

Киләсе дәресләр 2, 9 һәм 16 февральдә узачак.

Фото: ТР Милли музее матбугат хезмәте