Мөршидә КЫЯМОВА автор яңалыклары
-
Май бәйрәмнәрендә медицина учреждениеләре махсус эш режимына күчә
1 майдан 4 майга кадәр, 8 майдан 11 майга кадәр – бәйрәм һәм ял көннәре. Әмма республиканың дәүләт медицина учреждениеләре өзлексез медицина ярдәме күрсәтү өчен эшен дәвам итәчәк.
-
«Мәгариф» һәм «Гаилә һәм мәктәп» журналларының берләштерелгән порталы
Бөек Ватан сугышы әдәбиятта һәм публицистикада
Татарстан Фәннәр академиясенең Г.Ибраһимов исемендәге Тел, әдәбият һәм сәнгать институтында «Бөек Ватан сугышы әдәбиятта һәм публицистикада» дигән түгәрәк өстәл узды. Чара Бөек Җиңүнең 80 еллыгы уңаеннан оештырылды.
-
Яңа лауреатларны театрның яңа бинасында котладылар
26 апрель – татарның бөек шагыйре Габдулла Тукайның туган көне. Бу көнне бәйрәм чаралары әдипнең һәйкәлләренә чәчәк бәйләмнәре салудан башланды.
-
Татарстан Рәисе татар театр әһелләре белән очрашты
26 апрельдә Татарстан Рәисе Рөстәм Миңнеханов Г.Камал исемендәге Татар дәүләт академия театрының яңа бинасында республиканың татар театры сәнгате әһелләре белән очрашты.
-
Шигърият бәйрәме Кабан күле буенда узачак
Шигърият бәйрәме быел Г. Камал исемендәге Татар дәүләт академия театрының яңа бинасы янында узачак. Шактый гына бәхәсләр, каршы фикерләр яңгыраса да, Габдулла Тукайның туган көнендә оештырыла торган Шигырь бәйрәме М.Җәлил исемендәге опера һәм балет театры яныннан күчерелә.
-
Насыйри елы дәвам итә
Татарның бөек мәгърифәтчесе Каюм Насыйриның 200 еллыгы уңаеннан ТР Фәннәр академиясенең Татар энциклопедиясе һәм төбәкне өйрәнү институтында «Каюм Насыйри: иллюстрацияле персональ энциклопедия»сен, «Каюм Насыйри: биобиблиографик күрсәткеч»ен тәкъдим иттеләр.
-
Казан сәхнәсендә “Җәлил” операсы!
Н.Җиһанов исемендәге Казан дәүләт консерваториясе “Казан консерваториясе – Җиңү яшьтәше” фестивален Нәҗип Җиһановның «Җәлил» операсы башлап җибәрде.
-
Казанда яңа мәчет ачылды
Казанның Тынычлык бистәсендә яңа «Камил» мәчете үз ишекләрен ачты. Биредә узган атнада мәхәллә кешеләре беренче мәртәбә Татарстан Мөфтие Камил хәзрәт Сәмигуллин җитәкчелегендә җомга намазын укыды. Тантаналы ачылыш тантанасына, халыкның һәм иганәчеләрнең шатлыгын уртаклашырга дип, шулай ук Татарстан Рәисе Рөстәм Миңнеханов һәм башка мәртәбәле кунаклар килде.
-
Зөлфия һәм Раил Шәмсуаровлар: «Гаилә ул – көч!»
Нәрсә ул гаилә? Җавап бик гади: сине кирәксенүче якын кешеләр. Уртак шатлык, уртак кайгы һәм, гомумән, тормыштагы мең дә бер төрле вак-төяк мәсьәләләрне бергәләп хәл итешүчеләр. Кирәкле минутта бер-берсенә терәк булырдай, җанга якын затлар. Журнал укучыларыбызны Казанда яшәүче Шәмсуаровлар гаиләсе белән якыннанрак таныштырырга булдык.
-
«Җәлил» операсы сәхнәдә
Н.Җиһанов исемендәге Казан дәүләт консерваториясе “Казан консерваториясе – Җиңү яшьтәше” фестивале оештыра. Фестивальне Нәҗип Җиһановның «Җәлил» операсы башлап җибәрә.
-
Хатларда – Такташ күңеле
Һади Такташ үз чорының шактый кәттә шагыйре булган. Гаилә төшенчәсенә дә аның карашы яшь совет заманында формалашкан. Ә инде өйләнеп, гаилә мәшәкатьләренә чумгач, сары чәчле, зәңгәр күзле ир-атның фикере үзгәрә. Бу аның иҗатында да ачык чагылыш тапкан... Такташ ике тапкыр өйләнгән. Беренче хатыны – Гөлчәһрә Хәмзина. Чыгышы белән хәзерге Алексеевск районының Коры Көрнәле авылыннан. Икенчесе – Гөлчәһрә Мансурова. (Кайбер чыганакларда аны «Гөлчирә» дип язалар.) Журнал укучыларына Такташның хатыннарына язган хатларыннан өзекләр китерәбез. Шушы хатларда яраткан шагыйребезнең ир-ат, ата кеше буларак шәхесе ачыла. Беренче никахтан туган Рафаилне күпмедер вакыт ялгыз башы тәрбияләве, хатынына юллаган сәламнәре дә бар ул хатларда. Икенче хатыны Гөлчәһрә аңа шулай ук ир бала − Аванны бүләк итә. Әмма татар шагыйренә гаилә бәхете, гомумән, иҗат итеп озак еллар яшәү насыйп булмаган. Шушы кыска фани гомерендә шагыйрь гаилә башлыгы буларак үз вазифасын ничек башкарган? Сакланып калган хатларда – ярсу һәм ихлас хисләр...
-
Татарстанда 2200 дән артык кешегә ярдәм күрсәтелде
Татарстанда ел саен үткәрелә торган «Рамазан – изге гамәлләр ае» хәйрия марафоны тәмамланды. Әлеге акция Татарстан Диния нәзарәте тарафыннан Рамазан аеның беренче көненнән үк игълан ителгән иде. Нәтиҗәдә «Зәкят» хәйрия фонды аның кысаларында 2288 кешегә ярдәм күрсәтте, дип хәбәр итә Татарстан Диния нәзарәтенең матбугат үзәге.
-
Журналыбызда өр-яңа рубрика!
“Нәселем силсиләсе” – “Гаилә һәм мәктәп” журналының өр-яңа рубрикасы. Журналның апрель санында сәхифәнең беренче язмасы дөнья күрәчәк. Биредә данлыклы татар шәхесләренең дәвамчылары үз гаилә тарихлары турында бәян итә. Иң мөһиме, шул гаилә эчендәге мөнәсәбәтләр татар халкының мәкальләре җирлегендә ачыклана, буыннар чылбырының акыл хәзинәсе халык тәгъбирләренә «төреп бирелә». Беренче каһарманыбыз – халык язучысы Нурихан Фәттахның оныгы Зөләйха Камалова.
-
Фән халыкка аңлаешлы булсын!
Татарстан Фәннәр академиясенең Галимҗан Ибраһимов исемендәге Тел, әдәбият һәм сәнгать институты 85 еллыгын бәйрәм итә. Әлеге җәһәттән журналыбызның туры эфирда уза торган «Туфан самавыры» проектында кунакта институтның директоры, филология фәннәре кандидаты Илгиз Илдар улы Халиков булып китте. Аның кайбер фикерләрен тәкъдим итәбез.
-
Кече Шырданда – Насыйри Сабан туе
Каюм Насыйри 200 еллыгына багышланган чараларның иң зурысы олуг мәгърифәтченең туган авылы – Кече Шырданда узачак. 12 июльдә Насыйри туган авылында Насыйри Сабан туе бәйрәме оештырыла, нәкъ менә бу көнне фикер иясенең юбилеен да зурлап билгеләп үтәргә җыеналар.
ТӘКЪДИМ ИТӘБЕЗ
